Nunha xuntanza coa Asociación “Polos nosos dereitos”, Lucía Santos expón que “é fundamental desenrolar un modelo de mobilidade sostible, cun proxecto de urbanismo moderno ao servizo da poboación, creando espazos públicos amables e cómodos para todos e todas.”
O BNG lamenta a actitude soberbia e arrogante do concelleiro do PP Manuel Santos no debate e o desprezo co que despachou a proposta do BNG
Lucía Santos afirma que “o BNG aceptaría que, tras a realización do estudo que solicitamos, un informe técnico determine a inviabilidade da proposta. O que non podemos aceptar que un goberno se negue a valorar a proposta, despreciándoa e empeñándose nun proxecto a todas luces negativo para o noso concello.”
Lucía Santos considera “urxente reacondicionar o vial escolar para que sexa realmente un camiño escolar seguro. Non se pode agardar a que ocorra unha desgraza.”
Lucía Santos manifesta que “despois de anos de inacción, de incumprimentos de acordos plenarios e de rexeitar as propostas do BNG, temos sobrados motivos para dubidar da credibilidade do goberno do PP de María Ramallo.”
No pleno municipal de Marín que se celebrará este xoves, no que se levará a debate a aprobación da ordenanza reguladora de estacionamento en horario limitado, dende o BNG solicitaremos unha vez mais a retirada da proposta de ordenanza municipal.
O BNG de Marín quere facer pública a súa preocupado pola problemática que están a vivir centos de mariñeiros galegos debido á crise sanitaria da covid-19, que non poden realizar o os relevos nos barcos palangreiros e conxeladores que faenan no Atlántico Sur.
A imposibilidade de facer relevos é a principal preocupación destes traballadores, xa que hai mariñeiros que levan moitos meses traballando de xeito continuado sen descansos nin poder ver as súas familias, e por outra banda están os que a pandemia colleu nas súas casas e non poden incorporarse ao seu posto de traballo. Neste último caso a situación é difícil por non ter ingresos, e nalgúns casos sen poder percibir ningún tipo de prestacións, mentres teñen que seguir coa obriga de facer fronte aos pagos como as hipotecas, alugueiros, etc.
O BNG presentou no congreso, a través do seu deputado Nestor Rego, unha serie de preguntas dirixidas ao goberno central expoñendo a problemática destes mariñeiros.
Queremos saber se o goberno vai ter en conta esta situación e tomar medidas concretas como facer un censo dos mariñeiros galegos que se atopan nesta situación de non poder desprazarse, para coñecer a magnitude real do problema e poder así axilizar as xestións con este colectivo.
E tamén queremos saber se o goberno pensa facilitar transporte aéreo a ditos mariñeiros para facer os relevos, e permitir o retorno dende os portos de atraque aos seus fogares, asi como facilitaraos que están nas súas casas que podan desprazarse para poder embarcar e así obter os ingresos necesarios para o sostemento persoal e familiar.
Lembrándolles ao goberno central que xa se tomaron medidas semellantes, fletando avións para facilitar a volta de turistas que quedaron illados en diferentes países estranxeiros en plena pandemia sanitaria.
Desde o BNG de Marín pedimos unha inmediata solución a esta situación que afecta a moitos mariñeiros galegos, algúns deles do noso concello. Se o goberno central ten vontade pode organizar o relevo dos mariñeiros destas frotas pesqueiras.
Marín, 22 de xuño de 2020
En dúas lexislaturas o Partido Popular non foi capaz de propoñer ou desenvolver ningunha iniciativa para solucionar os problemas de aparcamento.
A iniciativa procura facerlle fronte ás elevadas cifras de sinistralidade e de vítimas nas estradas.
