eleccións municipais 2023

O BNG considera que estamos ante o inicio da fin dunha era. O PP gañou estas eleccións, mais perdeu 3 representantes. É, pois, un goberno en declive.

Pola contra, o BNG está á alza. O BNG conseguiu xenerar unha corrente de ilusión e acadou uns resultados extraordinarios con 4 representantes, unha base sólida para ser a alternativa ao PP e acadar o goberno municipal en 2027.

Lucía Santos afirma que “no BNG poñemos ás persoas no centro. Cremos firmemente na política como ferramenta de transformación, polo que apostamos por propostas destinadas a dinamizar o noso concello e mellorar a calidade de vida da xente.”

Lucía Santos afirma que “impulsar unha actividade cultural de calidade, recuperar e poñer en valor o patrimonio, a historia e a memoria de Marín, e revitalizar e potenciar a nosa lingua" serán eixos fundamentais da política do BNG no Concello.

Lucía Santos afirma que “impulsar unha actividade cultural de calidade, recuperar e poñer en valor o patrimonio, a historia e a memoria de Marín, e revitalizar e potenciar a nosa lingua" serán eixos fundamentais da política do BNG no Concello.

Lucía Santos afirma que “temos a firme convicción de que Marín pode converterse nunha referencia turística polos seus innumerábeis recursos turísticos”

Santos engade que “o BNG aposta por un modelo transversal e diversificador, poñendo en valor os nosos recursos patrimoniais, culturais, etnográficos e paisaxísticos co obxectivo de incentivar a chegada do turismo de xeito regular e evitar que se concentre nuns poucos meses do ano.”

Lucía Santos afirma que “para o BNG o rural debe formar parte dun eixo de desenvolvemento económico do Concello, actuando como motor de iniciativas empresariais e turísticas. As parroquias son parte fundamental da nosa identidade como pobo e merecen moito máis.”

Lucía Santos manifesta que “apostamos por un transporte público de calidade, pola limitación e ordenación do tráfico, a eliminación de barreiras arquitectónicas e a potenciación de zonas peonís.”

Lucía Santos afirma que “o BNG aposta por un modelo urbano e accesible, cun crecemento harmónico, co obxectivo de crear lugares agradables para vivir, humanizados e de mellor calidade.”

Lucía Santos comprometeuse a construír o campo de fútbol e a adquirir novos terreos para dotar a Seixo dun pavillón de deportes.

Amais manifestou que, entre outros proxectos, “o BNG recuperará espazos naturais e patrimoniais como son o Parque da Brea ou o roteiro da senda do río Loira para a súa posta en valor, ademais de impulsar medidas para a recuperación do Pazo da Brea e a Casa Rectoral do Campo.”

Lucía Santos afirma que “o BNG aposta polo impulso de medidas que fomenten a actividade económica e a creación de emprego, establecendo liñas de acción política que propicien que os axentes económicos teñan mais facilidades para realizar investimentos e xerar emprego.”