Lucía Santos insta ao goberno municipal a tomar medidas inmediatas e a facer uso da súa autoridade para que a empresa responsable da infraestrutura de comunicacións tome accións inmediatas.
Lucía Santos afirma que “para o BNG o rural debe formar parte dun eixo de desenvolvemento económico do Concello, actuando como motor de iniciativas empresariais e turísticas. As parroquias son parte fundamental da nosa identidade como pobo e merecen moito máis.”
Lucía Santos afirma que “coa elaboración do Catálogo de Hórreos do concello, as licenzas de obra nos núcleos de vivenda no rural afectadas pola existencia dalgún hórreo serían xestionadas directamente dende o concello e non dende a Dirección Xeral de Patrimonio como está acontecendo na actualidade, con todos os inconvenientes e demoras que isto supón.”
E engade que “coa necesaria actualización do PXOM, para actualizalo á lexislación galega aprobada con posterioridade á entrada en vigor do Plan Xeral, a franxa de protección de cada hórreo reduciríase de 50 a 30 metros. Todo isto facilitaría a construción de nova vivenda nos núcleos do rural.”
Lucía Santos afirma que “non se lle pode dicir á veciñanza que se van facer unhas obras en 4 fases que custarán unha cantidade de diñeiro, e un ano despois dicirlles que non hai diñeiro para as seguintes fases e que xa se verá cando continúan os traballos. Non é serio, e é lóxico que a veciñanza estea enfadada.”
A portavoz do BNG de Marín Lucía Santos, trasladou a comisión informativa de medio rural celebrada o xoves, a problemática que leva padecendo a veciñanza nas parroquias do rural coa mala conexión ao servizo de internet.
