Dende o BNG trasladamos unha proposta a alcaldesa Maria Ramallo, para que se teña en conta pola nova situación de restricións pola COVID na que se atopa o concello de Marín.

Solicitamos que o concello peche os parques infantís xa que é difícil evitar o contacto das nenas e nenos. Estamos ante unha situación na que cómpre tomar todas as medidas que estean a noso alcance para evitar a propagación do virus e os parques infantís son espazos no que resulta complicado controlar a distancia ou o contacto directo entre nenos.

Dende o BNG aproveitamos para facer un chamamento á cidadanía pedindo responsabilidade e levar a cabo o cumprimento das normas de prevención e hixiene para así evitar a propagación do virus polo ben de todas e todos.