Lucía Santos, "no BNG estamos traballando para conformar un proxecto ambicioso para Marín, integrando a todas aquelas persoas dispostas a facer un Marín mellor e recollendo todas as achegas e colaboracións coa finalidade de construir o Marín dinámico, vivo e con futuro que todos e todas os marinenses soñamos."
O concello de Marín atópase enclavado nun punto estratéxico e privilexiado, nas Rías Baixas. Podemos presumir de contar cunhas magníficas praias, cunha gran superficie de monte chea de patrimonio arqueolóxico e etnográfico, polo que contamos con potencial dabondo para poder ser un referente turístico de interese.
A importante perda de poboación de Marín ten a ver cunha gran falta de servizos abafante mais tamén por carecer dunha política económica que a potencie a nivel local.
Desde o BNG defendemos que non se trata de traer a Marín grandes industrias senón de ordenar e planificar o sector económico que vai desde a dotación de servizos sociais (centro de día, medre de persoal de Auxiliares de Axuda a Domicilio, etc), pasando por políticas cara o sector comercial, hostalaría, turístico, entre outras moitos sectores.
A conservación do Patrimonio forma parte dos eixos fundamentais do proxecto de Goberno do BNG en Marín. Desde o BNG propoñemos un Plan de Recuperación de Bens Inmóbeis de Marín.
O rural marinense é un dos tesouros máis descoñecidos do noso concello, e tamén o que sofre unha situación de deficientes servizos públicos: auga, luz, camiños, etc. Para o BNG o rural debe formar parte dun eixo de desenvolvemento económico do concello, por esta razón queremos darlle máis valor e funcións á Concellaría do Rural como motor tamén de iniciativas empresariais e turísticas.
Onte xoves Lucía Santos, candidata á alcaldía, acompañada por Pedro Cortegoso, Jessica Souto e Xurxo Agra, presentou o programa electoral para as vindeiras eleccións municipais do 26 de maio.
O noso proxecto para un Marín do século XXI baséase en tres cuestións principais, como son Humanización Urbanística do noso concello, os núcleos urbanos e o rural, a potenciación dos servizos sociais e a atención aos centros públcios de ensino, e a dinamización cultural e social.
O BNG presentou hoxe na Biblioteca Municipal as súas propostas en relación a determinadas infraestruturas municipais
Desde o BNG propoñemos que o edificio da actual biblioteca municipal pase a ser o Centro de Día público que Marín precisa, e promoveremos unha reforma integral do edificio da Casa do Mar para que albergue unha Biblioteca do século XXI, unha sala de estudos, a Casa da Xuventude e o Centro de Informática CeMIT
O BNG defende para Seixo un modelo de humanización urbanística
Mañá sábado terá lugar o primeiro acto do BNG de Marín destas eleccións municipais, e como nas pasadas eleccións xerais de abril comezamos en Seixo
Este luns, 8 de abril, a Asemblea Local do BNG en Marín aprobou a lista que a Comisión Electoral Municipal do BNG en Marín elaborou tendo en conta os criterios que nas últimas Asembleas Locais se acordaron onde se apostou por unha lista rexuvenecida e cun cambio xeracional claro.
A Lista que presenta o BNG está composta por persoas activistas de prestixio en Marín, coñecidas en eidos da defensa pola sanidade pública, a cultura, o idioma, a mocidade, a loita polas pensións dignas, cos emigrantes retornados, na mellora da situación de dependencia e os servizos sociais, na memoria histórica, no medio ambiente, na legalización dos núcleos do litoral, etc.
Lucía Santos Omil afirma que “ante o desgoberno do PP, o BNG é a alternativa seria e coherente”
Fotografías do acto: https://facebook.com/story.php?story_fbid=1601890736624421&id=699926370154200
