Turismo

Lucía Santos afirma que “temos a firme convicción de que Marín pode converterse nunha referencia turística polos seus innumerábeis recursos turísticos”

Santos engade que “o BNG aposta por un modelo transversal e diversificador, poñendo en valor os nosos recursos patrimoniais, culturais, etnográficos e paisaxísticos co obxectivo de incentivar a chegada do turismo de xeito regular e evitar que se concentre nuns poucos meses do ano.”

Lucía Santos manifesta que “pasa o tempo e o goberno do PP segue sen executar o acordo plenario, deixando o noso concello sen un importante servizo que aposta por unha modalidade de turismo sustentábel e repercute na economía local”.

En febreiro de 2020 o BNG presentou unha moción solicitando a creación de espazo para o estacionamento de autocaravanas (en Galiza hai unhas 125 áreas), aprobada por unanimidade, que permitiría potenciar o sector turístico do noso concello, xenerando unha importante fonte de ingresos e a creación de emprego.

Lucía Santos lembra que “pasou o 2020 e chega o verán de 2021 e segue sen levarse adiante o proxecto, polo que o noso concello, nas mans do PP, volta quedar atrás unha vez máis. Estamos, pois, ante un novo exemplo de deixadez e absoluta falta de capacidade para abordar os problemas que ten o noso concello por parte dun goberno que, cómpre lembrar, conta con 4 adicacións exclusivas, 15 concelleiros e concelleiras e o goberno amigo da Xunta.”

O turismo de autocaravana é unha forma de viaxar e facer turismo en expansión, Galiza xa conta con máis de 100 puntos de servizo público para este tipo de vehículos. Marín non pode quedar ao marxe desta tendencia e debe apostar por atraer a estes visitantes.

O portal Terras de Pontevedra ofrece información imprecisa ou inexacta que non axuda a quen procura información do noso Concello.