Lucía Santos afirma que “o BNG percorreu preto de 200 comercios, tanto en Marín como en Seixo, para falar cos/as comerciantes e escoitar a súa opinión”
“A principal conclusión que extraemos nesta campaña é a queixa xeral da falta de promoción e apoio do Concello de Marín ao sector do comercio, con actuacións claramente insuficientes e de moi limitado alcance”
Lucía Santos anuncia o lanzamento da campaña “Pensar Marín” coa finalidade de abrir un debate necesario coa sociedade marinense en relación ao Marín que queremos.
O BNG inicia este proceso cunha campaña de apoio ao comercio local “Mellor local, mellor Galego; aposta polo noso”, coa que amais procura coñecer de primeira man as preocupacións, demandas e ideas dun sector económico fundamental.
