Xurxo Agra, Responsábel Local do BNG, resalta que “amais de valorar moi positivamente o seu traballo nestes anos, consideramos que o perfil de Lucía Santos é o idóneo para liderar o equipo que estamos configurando.”

Lucía Santos afirma que “Marín non pode permitirse o luxo de que o PP goberne o noso concello 4 anos máis. Marín precisa un revulsivo, un goberno coas ideas claras, cun proxecto definido e con iniciativa e ganas de mellorar a calidade de vida da veciñanza.”

Lucía Santos, "no BNG estamos traballando para conformar un proxecto ambicioso para Marín, integrando a todas aquelas persoas dispostas a facer un Marín mellor e recollendo todas as achegas e colaboracións coa finalidade de construir o Marín dinámico, vivo e con futuro que todos e todas os marinenses soñamos."

Lucía Santos Omil afirma que “ante o desgoberno do PP, o BNG é a alternativa seria e coherente”

Fotografías do acto: https://facebook.com/story.php?story_fbid=1601890736624421&id=699926370154200

O domingo 20 de xaneiro ás 12h. terá lugar o acto de presentación do primeiro tramo da candidatura do BNG de Marín para as eleccións municipais de maio.

Lucía Santos destacou que “o BNG é unha forza política á alza, e a propia sociedade percibe que imos a máis”, polo que concluíu sinalando que “hai motivos para soñar”

Na Asemblea Local celebrada onte saíron aprobados os dez primeiros postos da candidatura, cuxos nomes serán feitos públicos no acto de presentación da candidatura, que terá lugar a comezos de ano

No BNG estamos traballando arreo, con moito optimismo, corrixindo erros e achegándonos á veciñanza para ofrecerlle un proxecto ilusionante. No BNG temos claro que Marín non pode vivir de sorrisos e amabilidade, cómpre ter un proxecto político serio, encaixando a Marín na realidade galega, cun gran desenvolvemento das políticas sociais, promovendo o dinamismo socioeconómico, abrindo á vila ao mar, rehabilitando e protexendo o patrimonio que temos cun proxecto deseñado de forma global. Niso estamos no BNG, a alternativa ao desgoberno do Partido Popular.