A portavoz municipal do BNG, Lucía Santos, deu traslado das queixas veciñais de Cividanes polo estado no que se atopa esta estrada que é utilizada pola veciñanza do lugar a diario para acceder ás súas vivendas e está totalmente chea de baches.

Lucía Santos lamenta a falta de solucións manifestadas polo concelleiro de Urbanismo, Manuel Santos, que afirma que a actuación no muro de Cividanes pode tardar anos, cando en xaneiro de 2020 chega a afirmar que se trata dunha actuación “vital” ante o “risco de derrubamento”.

Lucía Santos comprobou “in situ” o estado da zona e insta ao concelleiro de urbanismo, Manuel Santos, “a actuar de inmediato antes de ter que lamentar unha desgraza.”

"É unha actuación vital dado o risco de derrumbe, mais cómpre actuar e deixar de facer publicidade nos medios, polo que pediremos na vindeira Comisión de Urbanismo a execución inmediata destas obras e unha maior seriedade polo ben da seguridade da veciñanza.”