non

O grupo parlamentar do BNG presentou proposición non de lei instando á Xunta a paralizar as obras no Castro de A Subidá. Ademais disto, o deputado parlamentar Paulo Ríos, rexistrou unha serie de preguntas nas que se piden explicacións á Dirección Xeral de Patrimonio Cultural por estas actuacións que se están levando a cabo no Castro.

O deputado Néstor Rego votou non ao ditame da Comisión de Reconstrución Social e Económica porque non incorpora políticas transformadoras que eviten que a crise a paguen de novo os traballadores e traballadoras, nin tampouco asegura unha xestión pública e de calidade da sanidade e dos servizos sociais.

Rego exemplificou coa situación de Alcoa como un dos casos de empresas estratéxicas que deben ser intervidas pola Administración pública para nacionalizalas e asegurar a continuidade da actividade e o mantemento dos postos de traballo.

O BNG lamenta que tanto PSOE como Unidas Podemos rexeitasen propostas como a xestión directa da sanidade pública, un imposto ás grandes fortunas, reducir o gasto militar ou a recuperación do rescate bancario.

Rego defendeu a necesidade de soberanía para Galiza, para que o noso país teña capacidade para determinar as súas políticas económicas e poida promover un desenvolvemento autocentrado, sobre a base das inmensas potencialidades que posúe.