Xurxo Agra, Responsábel Local do BNG de Marín, destaca que “Davinia Lojo é unha muller tremendamente válida, que cos seus 32 anos posúe unha amplísima formación e experiencia, e fortemente comprometida e involucrada coa conservación do medio mariño.”

Xurxo Agra manifesta que “este nomeamento ratifica o excelente momento que está a vivir o BNG marinense, e constata que amais de catro grandes representantes na Corporación municipal, contamos cunha equipa extraordinaria.”

O vindeiro mércores 2 de xuño o BNG de Marín organiza un Acto Público no que intervirá Néstor Rego, parlamentario do BNG no Congreso. O acto dará comezo ás 20:00h. e terá lugar na Biblioteca Municipal de Marín, respectando todas as medidas pola COVID-19.