O BNG solicita o pintado do vial de praias

Pintado vial de praias
Pintado vial de praias

Lucía Santos solicita o pintado da sinalización horizontal do vial de praias “para reforzar a seguridade viaria e o bo funcionamento da circulación do tráfico.”

Santos demandou “a creación dun espazo para aparcamentos de motos na contorna da praia de Mogor, xa que actualmente a praia conta cun número de prazas moi reducido.”

 

O BNG solicita o pintado do vial de praias

As marcas viais que van dende o final de Portocelo até o cruce de Aguete co vial EP-1205 atópanse practicamente borradas en varios tramos, polo que resulta difícil distinguir as liñas das prazas de aparcamento ou as liñas que separan a beiravía do vial.

É por isto que a portavoz municipal do BNG de Marín, Lucía Santos, solicitou, na comisión informativa de tráfico, que se leve a cabo un novo pintado da sinalización horizontal do vial de praias neste tramo “para reforzar a seguridade viaria e o bo funcionamento da circulación do tráfico.”

Ademáis disto, a portavoz municipal do BNG demandou “a creación dun espazo para aparcamentos de motos na contorna da praia de Mogor, xa que actualmente a praia conta cun número de prazas moi reducido.”

Esta demanda foi trasladada por persoas usuarias do transporte en moto que din ter dificultades para poder aparcar na contorna do vial de praias no lugar de Mogor. Amais, non se atopa en bo estado polo levantamento do firme debido a existencia de numerosas raíces de eucaliptos.

Na actualidade existe un pequeno aparcamento habilitado xunto o aparcamento para bicicletas que é utilizado con asiduidade para o aparcamento de motos polo que o BNG considera necesaria a dotación dunha nova zona de aparcamento para as motos.

O BNG solicita o pintado do vial de praias