Lago-de-Castiñeiras

Lucía Santos Omil critica que o PP rexeitase a moción para impulsar un plan supramunicipal para Castiñeiras e advirte de que o chamado “Plan Director” da Deputación, limítase a actuacións puntuais que non garanten unha conservación real do espazo natural. Por iso, reclama que sexa a Xunta quen lidere un proxecto integral capaz de coordinar as distintas administracións e asegurar os recursos necesarios para protexer o seu valor ambiental e patrimonial.

Lucía Santos sinala que, pese ao gran potencial de Castiñeiras, o espazo carece dun proxecto global de xestión que permita aproveitar todas as súas posibilidades sociais, educativas e turísticas. O BNG propón que a Xunta lidere, xunto cos concellos, a Deputación e as comunidades de montes, un plan coordinado para mellorar a súa conservación e poñelo en valor

Lucía Santos advirte que é irresponsable que o Concello de Marín promova churrascadas no Lago de Castiñeiras cando o risco de incendio estaba en nivel alto, coincidindo cunha vaga de lumes na contorna. A portavoz nacionalista reclama sentido común, prevención e mensaxes institucionais claras, lembrando ademais que Galiza atópase en situación de prealerta por seca.

Lucía Santos Omil declarou que "estamos a falar dun atentado contra o noso patrimonio, contra unha paisaxe que é de todas e todos, e que debe ser protexida como ben común, non explotada con criterios mercantilistas"

O BNG de Marín propón a creación dun Parque Temático de espazos naturais, etnográficos e deportivos entre o Espazo dos Sete Camiños, no Monte Pornedo, o Lago de Castiñeiras e a Cruz da Maceira, que incluiremos como unha das propostas fundamentais do noso programa para as próximas eleccións municipais.

Desde o BNG amosamos a nosa satisfacción de que o Partido Popular por fin escoite as demandas tanto do BNG como de diferentes actores sociais da nosa vila e actúe para solucionar a perda de auga do Lago.

Representantes municipais do BNG de Marín e Vilaboa, xunto co deputado nacionalista Luís Bará, reúnense hoxe no lago coas comunidades de montes para presentar diversas iniciativas para recuperar e poñer en valor este espazo paisaxístico, cultural e de lecer.

Ante a situación de deterioro e abandono que sofre o Lago de Castiñeiras e a súa contorna, o BNG, por médio do deputado Luís Bará, volveu presentar no parlamento diversas iniciativas para reverter esta situación.