Lucía Santos expón que “Marín ten un espello para trasladar algunhas das iniciativas que fixeron de Allariz unha vila con identidade propia, poñendo en valor o seu rico patrimonio arquitectónico, histórico e cultural e creando unha sinerxia de impulso da economía local”.

Lucía Santos indica que “hai un ano iniciamos a campaña Pensar Marín para consultar coa sociedade marinense o proxecto de futuro para a nosa vila.”

A portavoz do BNG di que “comezamos unha nova fase na que estamos mantendo xuntanzas de traballo con concellos gobernados polo BNG, concellos que hoxe en día son un referente en todo o país como é o caso de Moaña.”