auditorio

Lucía Santos celebra que Marín conte por fin cun espazo para a celebración de eventos culturais e considera preocupante que o goberno municipal priorizase a posta en escena e a rendibilidade política antes que garantir unha estrutura profesional, transparente e estable para dotar de contido ao auditorio

Dende o BNG non apoiamos esta nova modificación que perxudica os intereses da veciñanza de Marín, que terá que asumir un maior custe por unha infraestrutura con menos servizos. A construción do centro sociocultural está sendo xestionada con moi pouca seriedade, falta de transparencia e dun xeito chapuceiro.

Lucía Santos califica a xestión do procedemento das obras como “unha auténtica chapuza” e manifesta que “resulta incomprensíbel que para unha obra destas dimensións non se elaborara un estudo específico con sondeos sobre a ubicación da cimentación do Centro Cultural.”