O BNG denuncia o mal estado do parque dos sentidos
![Lucía Santos, portavoz do BNG de Marín](/asset/thumbnail,992,558,center,center/media/bngmarin/images/2023/09/13/2023091312101067979.jpg)
Lucía Santos indica que, nove meses depois de solicitar unha intervención urxente, o Parque dos Sentidos continúa nun estado lamentable debido á falta de mantemento.
O pasado mes de setembro do 2023, o BNG solicitou ao goberno municipal a intervención urxente no Parque dos Sentidos polo grave estado de abandono no que se atopaba.
Dada a situación de deterioro do parque, trasladamos a pleno municipal unha moción solicitando a atención e actuación inmediata e a realización dunha restauración integral do Parque dos Sentidos, restituíndo o material danado e desgastado.
Lucía Santos, voceira do BNG, indica que esta moción, aínda que aprobada por unanimidade dende a corporación municipal, continúa sen executarse, o que supón que o estado do Parque dos Sentidos nove meses depois sigue a ser lamentable debido a esta falta de mantemento.
Santos trasladou á Comisión Informativa de Turismo e Comercio as graves deficiencias que sigue presentando este espazo, tales como:
-
O mal estado da pasarela de madeira na zona do estanque.
-
As bancadas do auditorio con madeiras rotas e pezas de pedra despegadas.
-
O espazo do lavadoiro anegado de auga por filtracións.
-
O mal estado de varias esculturas de madeira.
-
O estado de abandono da área de herbas aromáticas.
-
Pezas rotas na área do parque infantil.
-
Falta de limpeza e mantemento en todo o parque.
Lucía Santos admite non dar crédito á deixadez total e absoluta do goberno municipal e manifesta que a pésima xestión do PP alcanzou límites insospeitados, polo que solicitou á presidenta da Comisión Informativa, Cristina Acuña, a intervención inmediata e sen excusas para a restauración de todo o material danado para o uso e desfrute da veciñanza.
O Parque dos Sentidos é un espazo único, especial, un pulmón verde no centro da vila e cun gran atractivo turístico que o Concello de Marín debería publicitar con orgullo, polo que resulta inaceptable o aspecto de abandono que presenta, especialmente ao comezo da época estival, ofrecendo unha imaxe descoidada dunha zona de lecer tan singular. Dende o BNG de Marín continuaremos apostando polo noso.
Varias fotos que reflicten o estado actual do parque dos sentidos: