BNG de Marín
Sen categorizar
transporte

O BNG solicita medidas para abaratar o prezo do transporte

Lucía Santos afirma que “cómpre rematar co agravio que sofren os/as usuarios/as de Marín que se desprazan a Vigo, que pagan máis do dobre que os/as usuarios/as de Pontevedra”

A Portavoz Muncipal do BNG solicita  ampliar os beneficios da tarxeta Xente Nova a aqueles/as menores de 30 anos que  se atopen cursando estudos en calquera tipo de nivel

Ler novas
BE-NE-GÁ
165263406_3677331498983119_6989171090678660648_n

O BNG insiste na retirada da proposta de modificación do regulamento de control de pesca

O BNG de Marín ven de solicitar ao Concello o traslado ao goberno da Xunta e subdelegación de goberno do acordo acadado no pasado Pleno municipal celebrado o pasado 8 de abril, tras o debate da moción do BNG, no que se pide a retirada da proposta de modificación do regulamento de control de pesca, aprobada pola maioría dos deputados e deputadas no Parlamento Europeo.

Ler novas
BE-NE-GÁ
IMG-20201128-WA0007

O BNG rexeita as actuacións no Castro da Subidá

A Portavoz Municipal do BNG, Lucía Santos, non asistiu á visita institucional das obras do castro de A Subidá realizada na mañá deste xoves coa presidenta da Deputación, Carmela Silva, e o goberno municipal, pois “as actuacións levadas a cabo son un atentado ao patrimonio arqueolóxico”.

Ler novas
Novas
e40861db-c8df-42d5-8b7b-bdfd0f30c551

O BNG presenta no Parlamento Galego máis de 500 sinaturas por unha sanidade presencial

Unha representación do BNG de Marín, encabezada pola responsábel local Jessica Souto e a portavoz municipal Lucia Santos e acompañadas polo deputado Paulo Ríos e a Vicepresidenta Segunda da Mesa do Parlamento Montse Prado, trasladouse ao Parlamento Galego para presentar as mais de 500 sinaturas recollidas no noso concello en defensa dunha atención sanitaria pública presencial, sen recortes e de calidade.

Ler novas
Novas
IMG20210408193001

O BNG SOLICITA A SINALIZACIÓN E PROMOCIÓN DA PEDRAFITA DE CURRÁS

Lucía Santos, Portavoz Municipal do BNG, considera que “o goberno municipal do PP aplica a lei do mínimo esforzo en relación co noso patrimonio” Lucía Santos insiste por segunda vez na promoción deste resto arqueolóxico lembrando que “malia a importancia deste menhir de case 10 toneladas, de aproximadamente uns 4.500 anos e que presenta unha característica que o fai único e singular en Galiza, pois é o único que se atopou enteiro no noso país, chama moito a atención o estado de abandono no que continúa, sen ningún tipo de información que permita difundir a súa existencia e sinais que indiquen como chegar a el.”

Ler novas
Novas
SARA PIÑEIRO

#8M RETRATOS DE MULLERES DE MARÍN

Para chegar até aquí, antes, moitas mulleres tiveron que loitar polos nosos dereitos. Por iso hoxe queremos poñerlle cara a unha pequena parte de todas elas. Estas viviron ou viven en Marín. E con elas queremos camiñar este mes de marzo; mes de mulleres loitadoras, soñadoras, fortes e sensíbeis co tempo que lle tocou vivir, máis sempre libres.

Co seu orgullo e coa súa dignidade estivemos este mes de Marzo, guiadas polas redeiras, as conserveiras, as coidadoras e as limpadoras, as peiteadoras, as caixeiras de supermercados, as costureira, as mestras e todas aquelas que día a día traballan por un mundo mellor.

Con Carmen Pesqueira “A Capirota” berrando ante toda inxustiza.

Con Elsa “A Carruca” rapada máis sempre chea de dignidade.

Con Sara Piñeiro que leva a todas as labregas na súa fouce.

Coas escritoras da liberdade como Andrea Nunes e Christina Lilliestierna.

Con Esther de la Iglesia indo a universidade e así abrir camiños vetados as mulleres e coa súa irmá Rosa sacando o carne de conducir para sorprender ao mundo.

Coas deportistas que conquistaron ese mundo “só para homes”, como Ceci Puga e Flor Guzmán Davila.

Coas avoas que sempre quixeron conducir a súa propia vida como Pura Cidrás e Rosa de la Iglesia.

Coas que recuperan e fan xustiza co noso pasado máis escuro como Queta Molas.

Coas sabias mestras das que aprendemos a decir NON, como Belén Prada e Eladia Regina Milleiro.

Coas que defenderon sempre e con gran risco os dereitos das traballadoras como Petra Castro, Natalia Otero, Josefa Sequeiros, Dolores Santiago “A Pasionaria”.

Coas primeiras en ser, en ocupar un espazo como a carteira de Santomé Perfecta Rosales; a comadroa Carmen de los Santos; a empresaria do cine Quiroga Amalia Méndez; a traballadora do noso concello Argentina Pérez “A Xesteira”; a condutora do trole-bus Fina de Pazo Allariz; a policía local Genoveva Rosales; a médica e cirurxiá Mª dolores Rguez; a catedrática da Universidade Marítima Mundial Laura Carballo.

Coas primeiras representantes do nacionalismo nos concellos como Mar Santiago, e con Divina Pesqueira alcaldesa de barrio polas Pedreiras.

E tampouco faltarán nestas manifestacións de loita e de reivindicacións as que “non están” por que alguén lle roubou a vida e as que foron tantas veces golpeadas cando só buscaban respecto.

E con tantas outras que non podemos nomear, que non habería páxinas no mundo onde plasmar tanta coraxe e tanto valor.

Con todas elas marchamos hoxe e sempre, da man, xuntas, polas nosas rúas que nos observan expectantes por que saben que o futuro é noso.

Grazas infinitas a todas elas.

Comisión da muller do bng.

Ler novas