Dende o BNG animamos á veciñanza a asistir á manifestación que sairá dende a Alameda de Santiago de Compostela ás 12h da mañá, este domingo 21
Lucía Santos manifesta que “o BNG aposta por protexer e conservar o vello peirao, xa que forma parte da memoria do noso pobo” e comprometeuse a que, se o BNG acada a alcaldía, asinará “un convenio de colaboración co Museo do Mar.”
Néstor Rego declarou que presentará unha iniciativa no Congreso dos Deputados para que, mediante a negociación cos Ministerios de Defensa e de Transportes, “o pobo de Marín acade cesións de espazos na fachada costeira ou o uso compartido de certos lugares do Porto e da Escola Naval Militar, do mesmo xeito que se fixo noutras vilas e cidades.”
A portavoz do BNG Lucía Santos manifesta novamente que “o BNG está en contra do proxecto do PP de eliminar o cemiterio de barcos do vello peirao.”
Mais Santos considera que cómpre ir máis alá desta reivindicación e afirma que “Marín, pobo mariñeiro, non pode continuar de costas ao mar, polo que cómpre ser máis ambiciosos e reivindicar a recuperación de máis espazos da nosa fachada costeira.”
Lucía Santos, indica que “o goberno municipal debería apostar por protexer e conservar este espazo, xa que forma parte da memoria do noso pobo.”
Santos solicita a María Ramallo “que recapacite e non se leve a cabo este proxecto” e propón unha nova ubicación para a construción da piscina de auga salgada, no tramo do Paseo Alcalde Blanco entre a zona de atraque dos barcos de pasaxeiros da ria e o mirador do final do paseo.
Néstor Rego considera “vergoñoso” que se trasladase aos familiares a decisión de renunciar a rescatar os 21 falecidos e reclama unha rectificación
A frente nacionalista recolle o apelo das familias e rexistra novas iniciativas no Congreso para forzar o Goberno a actuar canto antes
Lucía Santos expresa “o máis fondo afecto e solidariedade do BNG aos supervivintes, así como ás familias e amizades da tripulación do pesqueiro Villa de Pitanxo con base en Marín, afundido en augas de Terranova, ante os duros momentos que están a vivir.”
Lucía Santos afirma que “facilitará o acceso ao seu consumo a máis persoas, e especialmente ás que se achan nunha situación de maior vulnerabilidade, o que suporá un factor positivo para a saúde de toda a poboación e, ao mesmo tempo, ese aumento de vendas permitirá a recuperación dun sector fundamental para a economía da Galiza como é o pesqueiro.”
O BNG reclama do goberno local unha definición sobre o uso que lle quere dar as instalacións do inmoble da Casa do Mar de Marín , e insta ao grupo do PP a que aclare o contido dos contactos que afirman ter mantido cos titulares do edificio.
Alegrámonos de que o PP recupere o sentido común e estea dacordo co BNG en iniciar as xestións para que o inmoble pase a ser de uso municipal. Por suposto que o BNG non discute os prazos do proceso de transferencia. O que reclamamos do goberno local é que se defina co uso que pretende darlle a estas instalacións, porque entre os prazos e, o máis a grave indecisión do equipo de goberno do PP, poderían facer disto un proceso interminable, do mesmo xeito que o é o tema da Aduana á que fan mención para albergar os servizos sociais.
Se é certo que levan tempo mantendo contactos cos titulares do edificio, o goberno local debería explicar o contido deses contactos, o contrario lévanos a preguntar que ocultan.
O BNG propuxo ante a cidadanía de Marín un uso desas instalacións de xeito transparente, participativo, atendendo as demandas dos nosos veciños e veciñas, e orientado as súas necesidades. Por contra, ou ben o grupo de goberno do PP non quere desvelar as verdadeiras intencións para este edificio ou, o que sería máis grave, gravitan polo concello faltos de ideas e entregados á unha insoportable improvisación.
Se no 2009 se acordou darlle un uso asistencial, foi porque todos os partidos que o firmamos levábamos nos programas propostas claras neste sentido, e nos creímos (inocentes nos…) que tratarían de facer o prometido nos programas (tal e como trata de facer sempre o BNG) e que ningún goberno cometería a irresponsabilidade de deixar a actividade cívico-cultural de lado. Pero ante a indiferenza que este goberno municipal mantén coas demandas da cidadanía dun centro para poder realizar este tipo de actividades, repetimos, que tanto reclama a cidadanía en xeral e, de xeito moi particular, a xuventude (que recorre a outros concellos veciños para disfrutar do que non teñen no seu concello) o BNG non pode ignoralas.
Mais, por moito que solicitamos do PP que nos digan o uso que lle van dar, contéstannos como o fixo o seu anterior lider Aznar en tono Tex-Mex “Estamos trabajando en ello…”
Temos que lembrarlle á señora alcaldesa que foi ela quen prometeu dous Auditorios (un por cada proceso electoral), que poderían paliar algunha das carencias endémicas que padece o noso concello por un xeito de gobernar un tanto errático, moi dado a improvisación e totalmente falto de ideas, como se demostra no xeito de abordar a grande oportunidade que se lle presenta a este concello coa cesión de este edificio de privilexiada situación e superficies suficientes para atender estas demandas.
A proposta do BNG
A proposta do BNG pasa por non trasladar ningún dos servizos que actualmente funcionan no edificio, en todo caso melloralos.
Non hai mellor ubicación para a gardería que a que ten na actualidade, e o BNG está en contra de calquera intento de traslado da mesma.
Este servizo é totalmente compatible coa creación dun equipamento sociocultural de carácter público, que responda á demanda cidadá de equipamentos para o tecido asociativo e participativo de Marín. Un espazo polivalente, adaptado para distintos usos e para dar cabida a grupos e entidades, especialmente entre a poboación xuvenil.
Marín, 5 de novembro de 2016
