O Concello de Marín terá que facer fronte a unha débeda de 2.352.339,96 €, como consecuencia dunha nefasta negociación coa empresa adxudicataria da recollida do lixo.

O goberno municipal subirá impostos como o IBI (13%) e o IAE para afrontar a débeda.

Segundo Lucía Santos (Portavoz Muncipal do BNG) "non debe ser a veciñanza nin as empresas nin o comercio quen teña que asumir unha pésima xestión" e demanda a dimisión inmediata do concelleiro de Facenda Manuel Santos.

No pleno do pasado 13 de febreiro o BNG deixou en evidencia as continuas irregularidades dos pagos efectuados polo concello cun importe total de 417.018,87 € nun total de 275 facturas.