Imprimir

Presentación da novela “Vento na cara” de Juan Parcero

bngmarin.opennemas.com | 12 de febreiro de 2019

"Vento na cara" - Juan Parcero

Este xoves 14 de febreiro, ás 20:00h. no Museo Manuel Torres, o BNG continúa coa programación da Axenda Cultural que organizamos para este primeiro semestre do ano coa presentación do libro de Juan Parcero "Vento na cara"

Este xoves 14 de febreiro o BNG de Marín continúa coa programación da Axenda Cultural que temos programada para este primeiro semestre do ano. Tras a presentación de “Os bicos feridos” de Anna R. Figueiredo o pasado 29 de xaneiro, desta volta presentaremos o último libro de Juan Parcero que leva por título “Vento na cara”.

Neste acto, que comezará ás 20:00h. no Museo Manuel Torres, contaremos coa presenta do autor, Juan Parcero, o colaborador cultural natural de Meiro (Bueu) Daniel Chapela e a compañeira do BNG de Marín Pamela Martínez Cortegoso.

“Vento na cara” é a terceira novela deste escritor de Moaña, que leva a súa vila no corazón e a traslada a literatura co nome de Aferróns. Nesta novela Juan Parcero narra como lle cambia a vida a Cándido da Vila tras o suicidio do seu irmán.

SINOPSE: Aferróns non é un pobo máis, é un mundo dentro doutro. Cándido da Vila o irá descubrindo aos poucos, buscando nas rúas, pescudando na xente, investigando nas cara, tentando descubrir algo que sabe que fica no seu interior: o medo á vida.

O seguinte acto programado será un recital poético na honra de Rosalía de Castro na alameda que leva o seu nome o día 24 ás 12h, como conmemoración do seu nacemento. O 21 de marzo ás 12h na Alameda de Seixo, haberá un recital poético polo Día da Poesía, nun acto que contará coa presenza de poetas da contorna.

O 5 de abril, ás 20h no Museo Manuel Torres, terá lugar a seguinte cita coa presentación de O bestiario científico de Anxos Nogueirosa, galardoada co I Premio María Victoria Moreno de Literatura Xuvenil e escrita por Antonio M. Fraga. O día 25 ás 20h será o turno de Ana Cabaleiro, gañadora do Premio García Barros con As Ramonas, obra que traerá a Marín.

Como colofón, no mes de xuño presentarase o novo libro de Eva Mejuto, Memoria do Silencio, o día 6 de xuño ás 20h no Museo Manuel Torres; e o día 27 ás 20h, Iria Collazo fará de peche con A casa do paralelo 54.

Podes ver este artigo na próxima dirección /articulo/sen-categorizar/presentacion-vento-cara-juan-parcero/20190212103827003613.html


© 2019 Bloque Nacionalista Galego de Marín