Imprimir

As carencias do Centro de Saúde chegan ao Parlamento da man do BNG

bngmarin.opennemas.com | 10 de Outubro de 2017

O BNG leva ao Parlamento Galego as carencias do Centro de Saúde
O BNG leva ao Parlamento Galego as carencias do Centro de Saúde

As carencias e deficiencias do novo Centro de Saúde de Marín e os incumprimentos da Xunta de Galiza en materia sanitaria chegan ao Parlamento Galego da man do BNG.

As carencias e deficiencias do novo Centro de Saúde de Marín e os incumprimentos da Xunta de Galiza en materia sanitaria chegan ao Parlamento Galego da man do BNG. Mañá mércores debaterase sobre o Centro de Saúde de Marín na Comisión 5ª do Parlamento Galego.

A parlamentaria do BNG Montse Prado preguntará polas declaracións feitas desde a Xunta de Galiza nas que afirman que desbotan a instalación do prometido servizo de Radioloxía no Centro de Saúde de Marín.

Tamén se tratarán as numerosas deficiencias e carencias que presenta o Centro de Saúde de Marín, que xa leva un ano en funcionamento:

- Carencia de servizo de Farmacia.

- Falta de cobertura nas baixas de longa duración do persoal.

- Non hai servizo de 24 horas de ambulancia.

- Non existe monitor de desfibrilador no Centro de Saúde (si no PAC).

- Non existen caixas fortes para depositar e gardar os fármacos psicotrópicos e estupefacientes.

- Deficiencia asistencial no servizo de Matronas causado pola non substitución das baixas laborais.

- Malia a existencia do servizo de Fisioterapia, non hai creada ningunha praza de fisioterapeuta, polo que os/as traballadores/as son por contratos de acúmulos de tarefas, habendo na actualidade un fisioterapeuta cando por poboación Marín debe contar con dous.

- Falta de calefacción e auga quente durante varios días ao mes provocado polo retraso na reposición de pellets.

- Inundacións nalgunhas consultas...

Desde o BNG de Marín non podemos e non imos aceptar esta negativa xestión da sanidade pública en Marín nin os incumprimentos por parte da Xunta e non deixaremos de reclamar e loitar por unha Sanidade Pública de Calidade para os e as marinenses.

Podes ver este artigo na próxima dirección /articulo/unknown/bng-leva-ao-parlamento-galego-carencias-do-centro-saude/20171010184633003453.html


© 2018 Bloque Nacionalista Galego de Marín