BNG de Marín

BE-NE-GÁ
Este 1 de xullo celebrouse o mitin do BNG en Seixo.

Este 1 de xullo celebrouse o mitin do BNG en Seixo.

Coa presencia do candidato Pablo Caracedo "Jasper", a portavoz municipal Lucia Santos, o tamén candidato Pedro Cortegoso e a presentación de Samu Acuña, celebrouse en Seixo o mitin de campaña do BNG.

Agradecemos ás numerosas persoas que asistiron a escoitar as nosas propostas, así como o comportamento respetuoso das normas de seguridade nestes tempos de pandemia.

Comprobamos con ilusión como cada vez máis xente se achega ao BNG e como cada vez está mais preto o cambio galego en Galiza.

 

Ler novas
BE-NE-GÁ
Encontro coa candidata Montse Prado

Encontro coa candidata Montse Prado

Este martes 30 de xuño a candidata ao Parlamento Galego Montse Prado estivo no Centro de Saúde de Marín para explicar as propostas en materia sanitaria do programa electoral do BNG, acompañada da portavoz municipal do BNG de Marín Lucia Santos e de Pedro Cortegoso candidato ao Parlamento Galego.

A crise da COVID19 demostrou que foi a sanidade pública a grande defensa fronte á pandemia mais tamén deixou en evidencia as nefastas e dramáticas consecuencias dos recortes e as privatizacións aplicadas polo Partido Popular durante a última década.

Na sanidade pública galega a Atención Primaria padeceu con maior intensidade as consecuencias dos recortes, provocando a masificación das consultas, saturación de cotas médicas, retallada de persoal, incremento das listas de agarda, etc. Especial incidencia ten a falta de pediatras e o traslado dos pacientes pediátricos a centros distintos aos deles.

Marín non foi alleo a esta situación e tivemos que padecer o incremento das listas de agarda cando non substitúen ao persoal médico nas citas en atención primaria, e esperar meses para ter unha cita de medicina especializada. Estivemos desamparados sen unha necesaria ambulancia ás 24 horas, e sen cubrir a totalidade do catálogo de servizos do centro de saúde.

Ler novas
BE-NE-GÁ
Ana Pontón: "Un goberno liderado polo BNG terá como eixo prioritario a defensa do sector pesqueiro e marisqueiro"

Ana Pontón: "Un goberno liderado polo BNG terá como eixo prioritario a defensa do sector pesqueiro e marisqueiro"

A portavoz nacional e candidata á Presidencia, Ana Pontón, aproveitou o acto de Rianxo para pedir unha mobilización masiva nas urnas capaz deixar atrás a Galiza “minguante” que nos deixan once anos de goberno do PP e abrir un tempo novo cun goberno de país capaz de facer valer os intereses de Galiza, algo que só é posible baixo o liderado do BNG.

“Galiza precisa, dunha vez por todas, un goberno que faga valer os seus intereses, que non ese achante, que non se subordine e quen non diga si bwana ante a discriminación que ven de Madrid ou que ven de Bruxelas. E aquí, en Rianxo, no corazón da Ría de Arousa-Barbanza, -a máis produtiva do mundo-, a defensa do país é a defensa do sector pesqueiro e marisqueiro, a defensa do país e ter capacidade de decidir sobre o noso mar, sobre as nosas rías, porque Galiza é unha nación pesqueira por moito que en Madrid e en Bruxelas non se entesaren aínda”, saliento no acto con militantes e simpatizantes.

“Non se pode decidir sobre o noso mar, sobre as nosas rías nun despacho de Madrid, nin de Bruxelas, temos que decidir desde aquí, e ese é o meu compromiso se a partir do 12X se teño a responsabilidade de liderar o Goberno: converter o sector pesqueiro e marisqueiro nun eixo prioritario da actuación política e estaremos á altura como estivo a veciñanza de Rianxo e da comarca mobilizándovos contra o megraproxecto da mina de Touro, saíndo a rúa e dando a cara para salvar esta ría”, alegou.

Acto RianxoTras destacar que da pesca e do marisqueo viven, directamente ou indirectamente, 120.000 galegos e galegas., Pontón avanzou algunhas das medidas de goberno a favor deste sector, fronte a un PP que consente as medidas impostas para reducir actividade, para reducir cotas e para despezar barcos, e apostar por un Goberno coas mans libres para defender o sector en todos os foros.

Entre as propostas para a pesca e o marisqueo acabar co principio de estabilidade relativa e conseguir un reparto xusto das cotas de pesca, defender a soberanía sobre o noso mar e por saneamento das rías e recuperación de bancos marisqueiros, -“ben sabedes en Rianxo e na comarca o emprego e a riqueza que se podía ganar coa rexeneración integral das rías”- e poñer en marcha, en colaboración co sector e a comunidade científica, reservas mariñas e plans de xestións para conseguir que lograr igual ou maior rendemento económico, con menos capturas.

Pontón tamén destacou a aposta por dar valor aos produtos das nosas rías, indicando a trazabilidade como coa DOP Mexillón de Galiza e a xestión dos fondos europeos de pesca para decidir desde aquí as prioridades. “Todo isto é posible se a partir do 12X abrimos un tempo novo no que Galiza teña un goberno que faga valer os intereses do país e se facemos historia de tal xeito que, por primeira vez, unha muller e nacionalista asuma a Presidencia”.

“Temos a oportunidade de abrir portas e ventás e que entre aire fresco na Xunta, a oportunidade de abandonar o inmobilismo dun Feixóo que se esconda tras a pandemia para agochar once anos de fiasco que nos deixan unha Galiza en crise económica, social e política”, indicou, poñendo como alternativa “o proxecto autocentrado, innovador do BNG que aposta por blindar os servizos públicos, como a sanidade ou os coidados das persoas maiores, unha cuestión máis urxente que nunca tras a COVID19”. “Somos a única forza capaz de ofrecer unha solución de futuro con seriedade e con solvencia contrastada, porque somos unha forza de fiar”, alegou.

Aposta polos servizos públicos

O candidato pola provincia da Coruña, Xosé Luís Rivas, tras lembrar as figuras de Castelao, Rafael Dieste e Manuel Antonio, “rianxeiros de nación”, apelou ao seu legado para “soñar outra Galiza” libre das políticas “involucionistas” do PP.

Rivas centrou a súa intervención nos dereitos sociais e na defensa do sector pesqueiro, como fixo o BNG en Bruxelas da man da eurodeputada Ana Miranda co frota co xeito. “Levou unha mochila de Rianxo, que sabe a sardiña e a mar, centro do mundo do xeito, unha arte centenaria respectuosa co medio”.

De cara á cita coas urnas, salientou que a súa candidatura “vai a por todas” co obxectivo de “arrebatarlle o goberno a quen tanto maltrata ao país, para substituílo por un que, baixo a batuta de Ana Pontón, aplique políticas para afianzar os dereitos e as liberdades, para dar benestar social, para poñer en valor todo o noso potencial e converter Galiza nun lugar no que vivir e traballar”.

Rivas comprometeu “políticas valentes que dinamicen a nosa economía, fortalezan os servizos públicos, políticas contra a violencia de xénero, políticas que defendan a nosa industria e aposten por pechar os ciclos produtivos e xerar valor engadido con emprego de calidade, tomaremos en serio o monte e a súa reordenación. Aquí, -dixo,- sabedes do que falo, dos incendios, do lume que vos roubou máis de mil hectáreas”, salientou.

“Nós cumprimos co pobo porque somos pobo e así o demostra o BNG alí onde goberna como aquí en Rianxo con Adolfo Muíños, capaz de sacar adiante vellas demandas da veciñanza como o centro de día, pese aos paus nas rodas da Xunta do PP. A partir do 12 de xullo, Rianxo terá un aliado no goberno galego a favor da veciñanza deste concello e desta comarca”, concluíu.

Ler novas
SEN CATEGORIZAR
O BNG chama a mercar no comercio local

O BNG chama a mercar no comercio local

Ante a proximidade das festas do nada o Bloque Nacionalista Galego vai desenvolver unha campaña de apoio ao comercio local, animando a consumir produtos galegos no comercio de proximidade, repartiremos carteis e panfletos de apoio polos comercios de Marín e Seixo.

Ler novas
SEN CATEGORIZAR
Xuntanza entre as portavoces dos grupos municipais e a Autoridade Portuaria

Xuntanza entre as portavoces dos grupos municipais e a Autoridade Portuaria

Lucía Santos, Portavoz municipal do BNG, insistiu na necesidade de retirar os contedores diante da Alameda de Marín ao tempo que trasladou a aposta do BNG pola defensa dos postos de traballo no porto e a mellora da calidade e das condicións do mesmo, e demandou unha maior integración de espazos portuarias para uso do pobo de Marín, así como incrementar a colaboración do ente portuario co concello e o entramado social, como así fan outras autoridades portuarias.

Ler novas