O BNG demanda medidas urxentes para paliar a falta de auga en varias parroquias

noticia_34772_1

O BNG de Marín levará ao Pleno da Corporación Municipal, que terá lugar o vindeiro mércores 11 de outubro, unha moción por vía de urxencia para solicitar medidas urxentes de cara a solucionar o grave problema de falta de auga que están a padecer as parroquias de Piñeiro, San Xulián e Ardán.

O BNG demanda medidas urxentes para paliar a falta de auga en varias parroquias

Mais non deixa de resultar chamativo que sexan as parroquias onde existen minas de auga as que sufren esta problemática. Estas parroquias que hoxe se enfrontan a esta grave situación non dispoñen do servizo de abastecemento de auga municipal, polo que se sirven de pozos artesáns para que a auga chegue as súas casas.

A Escuela Naval Militar dispón de minas de auga na parte alta da parroquia de Santomé, apropiación cuestionada pola veciñanza no seu momento, para o abastecemento das súas instalacións, e á veciñanza quédanlle as migallas.

Recentemente rematouse a obra de abastecemento de auga de Pontevedra a Marín para a conexión do novo depósito de Pardavila e abastecemento á rede de auga xa existente, obra que supuxo un custo de case 4 millóns de euros, aínda que a día de hoxe non está en funcionamento. Cómpre salientar que esta obra foi para dar servizo a zonas que xa dipoñían del, mais non para as que continúan carecendo do mesmo.

A situación é de tal gravidade que temos constancia dalgunha familia que chegou aínda a deixar o seu lugar de residencia habitual ao carecer de auga na súa casa, un servizo elemental e básico para a vida cotiá de calquera persoa.

Por todo isto

SOLICITAMOS

1.- A elaboración dun estudo para levar auga ás parroquias que carecen deste servizo.

2.- Que os servizos municipais e da Xunta de Galiza tomen medidas urxentes para garantir a subministración de auga á veciñanza das parroquias de Piñeiro, San Xulián e Ardán.

O BNG demanda medidas urxentes para paliar a falta de auga en varias parroquias